1. Бош сахифа
2. Янгиликлар

“Қорбоболар карвони” лойиҳаси Қўштепа туманида давом этмоқда

×

Қўштепа туманида старт олган “Қорбоболар карвони” лойиҳаси доирасида 100 нафардан ортиқ Қорбобо ва Қорқизлар юртдошларимизга Янги йил шукуҳи ва байрам кайфиятини улашишда давом этмоқда.

“Қорбоболар карвони”  бугун дастлаб “Соҳибкор” маҳалласи ҳудудида жойлашган меҳрибонлик уйи тарбияланувчиларига совға-саломлар ва кўтаринки кайфият улашишди.

Ундан сўнг карнай садолари остида туманимизнинг чекка ҳудуди ҳисобланган “Истиқбол” ва “Хўжақишлоқ” маҳаллаларида бўлган Қорбобо ва Қорқизлар одамларга кўтаринки кайфият, болажонларга йўл давомида байрам совғалари улашишди.

Қорбобо ва Қорқизлар навбатдаги манзилга йўл олишиб, 17, 49 ва 10-мактабларнинг уйда якка тартибда таълим олувчи ўқувчилари Иродахон Абдуллахонова, Мавлудахон Холматжонова, Мадина Исмоиловаларнинг хонадонларига галма-гал етиб боришди. Барчага бирдек юқори кайфият улашган мусиқий чиқишлар нафақат болажонлар, балки уларнинг ота-онаси, бобо, бувижонларига ҳам манзур бўлди.