1. Бош сахифа
2. Янгиликлар

Байрам тадбирлари давом этмоқда

×

Қўштепа тумани Тиббиёт бирлашмаси томонидан ўтказилган Янги йил байрами тадбирида 300 нафардан ортиқ тиббиёт ходимлари фарзандлари билан иштирок этдилар.

Тадбир давомида иштирокчиларга “Қорбоболар карвони” лойиҳаси доирасида тақдим этилган томошалар байрамга ўзгача файз киритиб, болажонлар қувончига қувонч улашди.

Тадбирни Тиббиёт бирлашмаси бошлиғи О.Муродов очиб бериб, барча иштирокчиларни кириб келаётган Янги йил билан муборакбод этди. Шундан сўнг туман Маданият бўлими ходимлари томонидан тайёрланган байрам спектакли тақдим этилди. 

Болажонлар ўзларининг эртак қаҳрамонларини жонли тарзда мароқ билан томоша қилдилар. Тадбир якунида Қорбобо бошчилигидаги эртак қахрамонлари барча иштирокчи болажонларга касаба уюшма қўмитасининг “Янги йил” совғаларини улашдилар.