Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
“Қорбоболар карвони” лойиҳаси Қўштепа туманида...
2024-12-28 17:33:20 348
Қўштепа туманида старт олган “Қорбоболар карвони” лойиҳаси доирасида 100 нафардан ортиқ Қорбобо ва Қорқизлар юртдошларимизга Янги йил шукуҳи ва байрам кайфиятини улашди.
“Қорбоболар карвони” дастлаб туман Маданият маркази олдида эҳтиёжманд оилаларнинг фарзандлари учун ташкил этилган Янги йил байрам тадбирида иштирок этишди.
Болажонларга олам-олам шодлик улашган Қорбобо ва Қорқизлар анча масофа босиб ўтиб, карнай-сурнай садолари остида аввал 39-мактабга етиб бордилар. Ундан сўнг ушбу мактабнинг уйда якка тартибда таълим олувчи ўқувчиси Козимжон Эгамбердиевнинг хонадонида бўлишиб, унинг ҳолидан хабар олишди ва совға-саломлар улашишди.
Қорбобо ва Қорқизларнинг навбатдаги манзили эса “Солижонобод” маҳалласи бўлди. Маҳалла аҳлига бир олам қувонч улашган “Қорбоболар карвони” 34- мактабнинг уйда якка тартибда таълим олувчи ўқувчиси Умиджон Аъзамовларнинг хонадонига кириб боришди. Қорбобо ва Қорқизлар мусиқий чиқишлари билан барчага яхши кайфият улаша олдилар.
