1. Бош сахифа
2. Янгиликлар

Қўштепа туманида болажонлар учун янги йил байрами тадбири ташкил этилди

×

“Янги йил байрами” муносабати билан Қўштепа туманида эҳтиёжманд оилаларнинг фарзандлари учун театрлаштирилган байрам тадбири ташкил этилди.

Тадбирда сектор раҳбарлари ҳамда масъул идораларнинг раҳбарлари иштирок этишди.

Юз-кўзларида қувонч ва шодлик, ўзларига кўрсатилаётган чексиз эътибор ҳамда ғамхўрликдан мамнунлик ифодаси балқиган болажонлар иштирокида ўтган тадбирда туман ҳокими А.Абдуллаев барчани байрам билан қизғин қутлади.

Шундан сўнг сектор раҳбарлари иштирокида 500 нафардан зиёд болажонларга байрам совғалари тақдим этилди.

Тадбир давомида туман Маданият бўлими ходимлари томонидан болажонлар учун қизиқарли томоша ва саҳна кўринишлари намоиш этилди. Айниқса уларга 100 нафар Қорбобо ва Қорқиз иштирок этган “Қорбоболар карвони” лойиҳаси жуда манзур бўлди. Туманимизнинг марказий арчаси атрофида болажонларнинг шўх-шодон куй-қўшиқлари байрам тадбирига ўзгача файз киритди. Болалар турли эртак қаҳрамонлари билан бирга қўшиқлар куйлаб, рақсга тушдилар.