1. Бош сахифа
2. Янгиликлар

Қўштепада саховат тадбирлари давом этмоқда

×

Меҳрга муҳтож оилаларни йўқлаш, уларга ёрдам кўрсатиш халқимизнинг қон-қонига сингган энг азалий қадриятларимиздан бири ҳисобланади. Айниқса, байрам арафасида бу каби меҳр-мурувват ва хайрия тадбирларининг кўлами янада ортади.

Янги йил байрами муносабати билан Қўштепа туманида ижтимоий кўмакка муҳтожларга мурувват кўрсатишдек хайрли амаллар кенг қулоч ёйган.

Барча маҳаллаларда ташкилланаётган саховат тадбирлари ва йўқловларда ёши улуғ кексалар, имконияти чекланган ва эҳтиёжманд оилалар вакилларига мурувват кўрсатилиб, кўнгилларга шодлик улашилмоқда.

Жумладан, “Халқобод” маҳалласида ҳудудидаги кам таъминланган, эҳтиёжманд оилаларга саховатпеша хомийлар томонидан ун маҳсулотлари терилди. “Лойсон” маҳалласида эса ҳудди шундай оилаларнинг байрам дастурхонига озиқ-овқат маҳсулотлари етказиб берилди.

Бундай саховат тадбирлари туманимиз бўйлаб давом этмоқда.