1. Бош сахифа
2. Янгиликлар

Фотолавҳа: 46-Мактабгача таълим ташкилотидаги жажжи болажонлар “Меҳржон” ҳосил байрамини нишонлашди

×

Ҳар бир фаслнинг ўзгача гашти бор. Фасллар орасида айниқса кузнинг ўзгача таровати бор. Шундай гўзал ва саховатли кузнинг сўнгги кунларида Қўштепа туманидаги 46-Мактабгача таълим ташкилотида ҳам “Меҳржон” ҳосил байрами кўтаринки кайфиятда нишонланди.

Ушбу байрам тадбирида Республика Маънавият ва маърифат маркази туман бўлинмаси раҳбари Д.Холиқов ҳамда муассасанинг масъуллари, тарбиячилари ва тарбияланувчилар иштирок этишди.

Барчага кўтаринки кайфият улашган тадбирда тарбиячилар ҳамда тарбияланувчилар бирдек иштирок этишди. Тадбирда куз фаслига бағишланган театрлашган саҳна кўринишлари намойиш этилиб, болажонлар ўзларининг шўх куй-қўшиқлари, ёд олган шеър ҳамда рақсларини ижро этишди.

Хулоса қилиб айтганда, халқимиз табиатидаги бағрикенглик, меҳмондўстлик, меҳр-шафқат, саховатлилик каби гўзал фазилатларнинг давом этишида ушбу байрамнинг ҳиссаси жуда катта бўлди.