1. Бош сахифа
2. Янгиликлар

“Яшил макон” умуммиллий лойиҳаси доирасида Қўштепа туманида “Устозлар боғи” ташкил этилди

×

Қўштепа туманида “Яшил макон” умуммиллий лойиҳаси доирасида жорий йилги кузги дарахт экиш мавсуми кенг кўламда ташкил этилмоқда. Маҳалла ва масканлар, муассасаларда эзгу акция  қизғин давом этмоқда.

Жумладан, туман мактабгача ва мактаб таълими бўлими ташаббуси билан 23-мактабда лойиҳа доирасида кўргазмали семинар бўлиб ўтди.

Тадбирда мактабгача ва мактаб таълими бўлими мутасаддилари, тумандаги мактаб ва мактабгача таълим ташкилотлари раҳбарлари ҳамда устоз-мураббийлар иштирок этди.

Семинар давомида иштирокчилар томонидан мактаб ҳудудига 200 тупдан зиёд мевали ва манзарали дарахт ҳамда гул кўчатлари экилиб, “Устозлар боғи” ташкил этилди.

Туман масканларида кенг кўламли кўчат экиш акциялари кўтаринкилик билан давом этмоқда.