1. Бош сахифа
2. Янгиликлар

Давлат байроғи қабул қилинган куннинг 33 йиллиги муносабати билан Қўштепада байрам тадбири ўтказилди

×

Ўзбекистон Республикаси давлат байроғи қабул қилинган куннинг 33 йиллиги муносабати билан Қўштепа туманида ҳам кенг кўламли тарғибот-ташвиқот тадбирлари кўтаринки руҳда бўлиб ўтмоқда.

Шу муносабат билан туман ҳокимлиги ва Республика Маънавият ва маърифат маркази туман бўлинмаси ташаббуси билан ташкилот ва муассасаларнинг вакиллари, фаоллар ҳамда ёшлар иштирокида “Муқаддасдир ватан байроғи” номли байрам тадбири бўлиб ўтди.

Дастлаб туманнинг марказий кўчасида давлатимиз байроғи ҳилпираган марафон ташкил этилди. Шундан сўнг туман Маданият марказининг олд саҳнасида байрамнинг расмий қисми бўлиб ўтди.

Тантанали маросимда туман ҳокими Анваржон Абдуллаев сўзга чиқиб йиғилганларни, қолаверса туманимиз аҳолисини байрам билан муборакбод этди.

Тадбир давомида сектор раҳбарлари томонидан яқинда бўлиб ўтган “Жадидлар изидан” республика танловининг вилоят босқичида ғолиб бўлган 20-ИДУМ 9-синф ўқувчиси Дилнура Роҳаталиевага туман ҳокимлигининг “Ташаккурнома”си ва эсдалик совғалари топширилди.  

Шунингдек тадбирда туман маданият бўлимининг иқтидорли санъаткорлари томонидан ватанимизни мадҳ этувчи куй-қўшиқлар янгради.

Байрам шукуҳи тумандаги ҳар бир ташкилот, муассаса ва маҳаллаларда давом этмоқда.