1. Бош сахифа
2. Янгиликлар

“Яшил макон” умуммиллий лойиҳасининг навбатдаги мавсумига старт берилди

×

Қўштепа туманида “Яшил макон” умуммиллий лойиҳасининг навбатдаги мавсумига старт берилди. Туман ҳокимлиги, туман Ободонлаштириш бўлими, Маҳалла уюшмаси, Экология ҳамда бошқа ташкилотлар билан ҳамкорликда "Фарзандим келажаги учун бир туп дарахт", "Менинг боғим" каби оммавий тадбирларни ташкил этишга киришилди. Тадбирлар давомида ҳар бир маҳаллада йўл четлари ва бўш турган майдонларда кўкаламзор масканлар ташкил қилиш кўзда тутилган.

Шу муносабат билан “Гармдон” маҳалласи ҳудудидаги катта йўл ёқасига манзарали кўчат экиш тадбири ташкил этилди. Тадбирда туман ҳокими А.Абдуллаев иштирок этди.

Тадбир давомида иштирокчилар томонидан минг тупдан ортиқ заранг, қайрағоч, дуб ва терак кўчатлари экилди.