1. Бош сахифа
2. Янгиликлар

Республика ишчи гуруҳи аъзолари Қўштепа туманида

×

Вилоятимизда иш бошлаган Республика ишчи гуруҳи аъзолари бугун Қўштепа туманида бўлишди. Хотин-қизларни даромад топишга ўргатиш, тадбиркорлигини йўлга қўйиш ва бизнесини қўллаб-қувватлаш бўйича Республика ишчи гуруҳи аъзолари туманимиздаги “Лойсон”, “Қийқи”, “Солижонобод”, “Шодлик” ҳамда “Лангар”  маҳаллаларида ташкил этилган хатлов жараёнлари билан танишдилар.

Шунингдек, маҳаллалардаги гулчилик, асаларичилик, иссиқхона, нон маҳсулотлари ишлаб чиқариш ва ҳунармандчилик фаолияти билан шуғулланиб келаётган хотин-қизларнинг хонадонида ҳамда иш жойларида бўлиб, улар томонидан амалга оширилаётган ишлар кўлами билан танишдилар. Тадбиркорлик фаолиятларини янада ривожлантириш борасида бўлган қизғин мулоқот жараёнида мамлакатимиз томонидан хотин-қизларга яратиб берилаётган имконият ва шароитлардан оқилона фойдаланишлари учун зарур кўрсатмалар бериб ўтилди.