1. Бош сахифа
2. Янгиликлар

100 ёш билан юзлашган пиру бадавлат онахоннинг ҳолидан хабар олинди

×

Бугунги кунда Қўштепа туманида юз билан юзлашган нуронийлар умргузаронлик қилиб келмоқда. Ана шундай онахонлардан бири 1924 йилда туғилган Турсуной ая Ҳалиловадир.

Турсуной ая туманимизнинг “Қоракалтак” маҳалласида энг файзли ва намунали хонадонларнинг бирида яшаб, фарзандлари, кўплаб невара-ю чевараларининг ардоғида ҳамда эъзозида умиргузаронлик қилмоқда. Дарҳақиқат юз билан юзлашган онахон узоқ умр кўриш сабабини доим ҳаракатда бўлиш, ҳалол меҳнат қилиш ва  яхшиликка интилишда деб билади.

Турсуной аянинг умри меҳнатда ўтди. Онахон билан дилдан суҳбат қурсангиз, ҳаёт йўлларидаги қизиқ воқеалар, панду насиҳатларини тинглайсиз.

Бугун “Нуроний” жамғармаси вилоят ва туман бўлимининг масъуллари мўътабар онахоннинг хонадонида бўлиб, дуосини олишди.  

Меҳмонлар Турсуной аянинг суҳбатидан баҳраманд бўлишиб,  онахоннинг узоқ йиллик хизматларини эътироф этишди. Умрлари янада узоқ, соғликлари эса мустаҳкам бўлишини тилаб, онахонга бугунги кунда эҳтиёжи учун керак бўлган ногиронлик аравачасини топширишди.

Йўқловдан мамнун бўлган табаррук онахон ҳам ўз навбатида юртга тинчлик, элга омонлик сўраб дуога қўл очди.