1. Бош сахифа
2. Янгиликлар

Фан олимпиадасининг туман босқичига старт берилди

×

Бугун Қўштепа туман мактабгача ва мактаб таълими бўлимига қарашли 9-10-11-синф ўқувчилари ўртасида асосий фан олимпиадасига старт берилди.

Тумандаги 50-умумтаълим мактабида ташкил этилган тадбир 21 октябрь – Ўзбек тили байрами куни шодиёналарига уланиб кетди.

Тадбирни туман ҳокимининг ўринбосари А.Юсупов очиб берди. Иштирокчиларни 21 октябр – Ўзбек тилига давлат тили мақоми берилган кун билан табриклаб, фан олимпиадасида қатнашаётган ўқувчиларга омад тилади.  

Тадбир давомида ушбу шодиёна муносабати билан мезбон мактаб жамоаси томонидан “Ўзлигимиз тимсоли – она тилим!” деб номланган мусиқий дастур намойиш этилди ва тадбирдан сўнг ўқувчилар учун фан олимпиадасига старт берилди.

Ташкил этилган фан олимпиадасининг биринчи кунини адолатли, шаффоф ва ҳаққоний ўтказиш бўйича барча зарурий чоралар кўрилган бўлиб, ўқувчилар билими синовдан ўтказилди. Жараёнлар фанлар кесимида қилинган тақсимот асосида 5 кун давом этади.