1. Бош сахифа
2. Янгиликлар

13-октябрь – Халқаро табиий офатлар хавфини камайтириш куни муносабати билан жойларда профилактик тадбирлар ўтказилмоқда

×

Дунёда илмий-техник тараққиёт қанчалик ривожланмасин, табиат ва инсон ўртасидаги айрим муаммолар, жумладан табиий офатлар хавфи йилдан-йилга ортиб, жиддий талафотларга сабаб бўлмоқда. 

13-октябрь – Халқаро табиий офатлар хавфини камайтириш куни доирасида Қўштепа тумани фавқулодда вазиятлар бўлими ходимлари томонидан профилактик учрашув ҳамда давра суҳбатлари ўтказилмоқда.

Жумладан ана шундай тадбирлар тумандаги 46 ва 47-умумий ўрта таълим мактабларида бўлиб ўтди.

Тадбир давомида ўқувчиларга табиий офатлар, уларнинг турлари ва талафотлари тўғрисидаги маълумотлар етказилиб, улар содир бўлганда тўғри ҳаракат қилиш усуллари ўргатилди. Шу билан бирга, ёнғин-қутқарув амалиётида фойдаланиладиган махсус техника ва куч-воситаларнинг техник имкониятлари тўғрисида қизиқарли маълумотлар бериб ўтилди.