1. Бош сахифа
2. Янгиликлар

Тадбирда гиёҳвандлик иллатининг оқибатлари ҳақида маълумот берилди

×

Қўштепа туманидаги 3-умумий ўрта таълим мактабида гиёҳвандликка қарши курашиш “Долзарб ойлик” доирасида ташкил этилган тадбирда  мутахассислар томонидан гиёҳвандлик иллатининг оқибатлари ҳақида ота-оналарга маълумот берилди. 

Шу билан бирга, гиёҳвандлик, тамаки ва алкогол моддалар гирдобига тушган ёшларнинг организмидаги салбий ўзгаришлар, уларнинг умумий соғлиғига, жумладан наслга, мия ва юрак, қон-томир фаолиятига, руҳиятига, шу билан бирга, онги ва тафаккурига салбий таъсир ўтказиши ҳақида таҳлилий маълумотлар ҳамда фактлар асосида, кўргазмали тарғибот материалларидан фойдаланган ҳолда тушунтириш берилди. Шунингдек, тадбирда иштирок этаётган ўқувчилар учун “У ўлмади аммо тирик ҳам эмас” номли видео фильм намойиш этилди.