1. Бош сахифа
2. Янгиликлар

Қўштепа туманида пахта йиғим-терими қизғин паллада

×

Туманимиз пахта далаларида шу кунларда йиғим-терим авж палласига кирди. Барча фермер хўжаликлари даласида пахта терими уюшқоқлик билан олиб борилаяпти. Оппоқ пахта хирмонлари кун сайин осмонга бўй чўзаяпти. Қўштепаликлар ҳам бир ёқадан бош чиқариб, ғалаба марраси сари дадил интилмоқдалар.

Шу кунларда маҳаллалардаги меҳнат билан банд бўлмаган фуқаролар, уй бекалари, нуронийлар ҳамда кўнгиллилар пахта йиғим-терим ҳашарида фаол  иштирок этмоқдалар. “Хорманглар!”га чиққан маҳаллаларнинг масъуллари томонидан эса илғор ҳашарчи ва теримчилар эсдалик совғалари ҳамда ёғ маҳсулоти билан рағбатлантириб борилмоқда.