Паралимпия ўйинларида зафар қучган Ёрқинбек Одилов билан учрашув ўтказилди

Юридик ва жисмоний шахслар томонидан веб сайт орқали бўлган мурожаатлар

Жами мурожаатлар: 38

Кўриб чиқилмоқда: 13 (34.3%)

Жавоб берилган: 25 (65.7%)

<<	Dekabr 2024					>>
DU	SE	CH	PA	JU	SH	YA
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Хозир сайтда 29 нафар фойдаланувчи Ишонч телефони статистикаси

Паралимпия ўйинларида зафар қучган Ёрқинбек Одилов билан учрашув ўтказилди

2024-09-23 15:08:44 136

PDF юклаш

Чоп этиш

Париж – 2024 Паралимпия ўйинларида енгил атлетиканинг найза улоқтириш йўналишида 50 метр 32 см натижани қайд этиб, чемпионликни қўлга киритган матонатли спортчи Ёрқинбек Одилов билан Қўштепа туманидаги 2-сон касб-ҳунар мактабида учрашув бўлиб ўтди.

Муассаса томонидан ташкил этилган тадбирда вилоят ҳокимининг маслаҳатчиси, “Нуроний” жамғармаси раиси Зокиржон Раҳмонов, Республика Маънавият ва маърифат маркази туман бўлинмаси ҳамда “Нуроний” жамғармаси туман бўлимининг масъуллари, шунингдек, чемпионнинг биринчи устози бобоси Одилжон Қурбоновлар иштирок этишди.

Паралимпия ўйинларида зафар қучган Ёрқинбек Одилов ёшлар билан мулоқот чоғида Парижда ўтган ёзги Паралимпия ўйинларидаги таассуротлар, давлатимиз раҳбари қабулида бўлган ҳаяжонли дақиқалар ҳақида сўзлаб берди.

Суҳбат давомида сўз олган чемпионнинг бобоси ва бошқа иштирокчилар Паралимпия ўйинларида ўзининг азму шижоати ва маҳорати, мустаҳкам ирода ва жасоратини намоён этиб, Ватанимиз тарихида мислсиз натижаларга эришган Ёрқинбек Одилов ҳақида илиқ фикрларини билдиришди. Ёшлар ҳам ўзларини қизиқтирган саволларга чемпиондан батафсил жавоб олишди.

Тадбир сўнгида “Нуроний” жамғармаси раиси Зокиржон Раҳмонов томонидан Ёрқинбек Одилов ва унинг бобоси Одилжон Қурбоновга миллий анъаналаримизга кўра тўн ва дўппи кийдирилди. Шунингдек, “Нуроний” жамғармаси ва 2-сон касб-ҳунар мактаби маъмуриятининг эсдалик совғалари топширилди.