1. Бош сахифа
2. Янгиликлар

ҚЎШТЕПАДА ЯНГИ ЗАМОНАВИЙ ТУҒРУҚХОНА БИНОСИ ФОЙДАЛАНИШГА ТОПШИРИЛДИ

×

Мустақиллик байрами арафасида “Соҳибкор” маҳалласида туман тиббиёт бирлашмасига қарашли 30 ўринга мўлжалланган янги туғруқ бўлими фойдаланишга топширилди. 

Шу муносабат билан ташкил этилган тантанали тадбирда туман ҳокими Анваржон Абдуллаев, туман секторлари раҳбарлари, туман соғлиқни сақлаш тизими масъуллари ва кенг жамоатчилик вакиллари қатнашдилар. 

Дастлаб кекса нуронийлар, имом-хатиблар иштирокида эзгу ниятлар қилиниб, дуога қўл очилди.

Тадбирнинг очилиш маросимида Қўштепа тумани ҳокими Анваржон Абдуллаев барча йиғилганларни ушбу туғруқхона очилиши билан табриклаб, бу ерда келажакда туғилаётган чақалоқлар ватанга, элга фойдаси тегадиган буюк, комил инсонлар бўлишини тилади.

Шундан сўнг туман фаоллари ва нуронийлар иштирокида рамзий тасма қирқилиб, меҳмонлар янги туғруқ бўлимида яратилган шарт-шароитлар билан танишдилар.

30 ўринга мўлжалланган икки қаватли туғруқхона биноси қурилиши “VSO stroy holding” МЧЖ томонидан олиб борилиб, 3 миллиард сўмдан ортиқ маблағ харажат қилинди. Шунингдек она ва чақалоқ соғлиғини муҳофаза қилиш учун барча шароитлар яратилди.

Бизни ижтимоий тармоқларда кузатинг
Facebook, Telegram