1. Бош сахифа
2. Янгиликлар

ЭШОНГУЗАРДА ЯНГИ ТЎЙХОНАНИНГ ОЧИЛИШ МАРОСИМИ БЎЛИБ ЎТДИ

×

Мустақиллик байрами арафасида Қўштепа туманидаги “Эшонгузар” МФЙ ҳудудида “Volidam” тўйхонаси фойдаланишга топширилди.

“Ҳумайро бахти” оилавий корхонаси раҳбари Ш.Тешабоев ташаббуси билан қуриб битказилган 500 ўринли тўйхонанинг очилиш маросими чинакам байрамга айланди. Унда туман ҳокими А.Абдуллаев ва маҳалла фаоллари, нуронийлар иштирок этишди. Меҳмонларга дастурхон ёзилиб, 10 нафар ижтимоий ҳимояга муҳтож оила фарзандларининг хатна тўйи ўтказилди.

Тадбирда сўз олган туман раҳбари А.Абдуллаев иштирокчиларни мустақиллик байрами билан табриклаб, тадбиркорни ва қишлоқ аҳлини янги иншоотнинг фойдаланишга топширилиши билан самимий қутлади. Шунингдек тадбир давомида туман ҳокими иштирокида тўй болаларга вилосипед ва эсдалик совғалари топширилди.

Мустақиллик байрами арафасида ўз фаолиятини бошлаган тўйхонада 15 дан ортиқ доимий иш ўрни яратилди. Қолаверса тадбиркор Ш.Тешабоев томонидан яна қўшимча ўқув маркази ҳамда тикувчилик цехи ташкил этиш ҳам режалаштирилган.

Бизни ижтимоий тармоқларда кузатинг
Facebook, Telegram