1. Бош сахифа
2. Янгиликлар

“БИР БЎЛСАК – ЯГОНА ХАЛҚМИЗ, БИРЛАШСАК – ВАТАНМИЗ!”

×

Бугун Қўштепа тумани “Ёшлар маркази”да Ўзбекистон Республикаси 

мустақиллигининг 33 йиллиги муносабати билан “Бир бўлсак – ягона халқмиз, бирлашсак – Ватанмиз!” шиори остида ижтимоий соҳа вакиллари ўртасида “Заковат” интелектуал ўйини ўтказилди.

Жамоаларнинг ҳозиржавоблиги, изланувчанлиги уларнинг юксак салоҳиятларидан даракдир. Бироқ, ҳар бир кураш ўзининг ғолиб ва мағлубига эга. Қизғин кечган ўйиннинг якуний натижаларига кўра 1-ўринни умумий ўрта таълим мактаблари жамоаси, 2-ўринни мактабгача таълим ташкилотлари жамоаси эгаллади.

Бу каби тадбирлар, учрашувларнинг мунтазам ўтказиб борилиши турли соҳаларда фаолият юритувчи кадрларнинг билим даражасини юксалтириш баробарида уларнинг ўзаро тажриба алмашишларига ҳам кўмак беради.

Ғолиблар ташкилотчиларнинг махсус дипломи ҳамда эсдалик совғалари билан тақдирландилар.

Бизни ижтимоий тармоқларда кузатинг
Facebook, Telegram