1. Бош сахифа
2. Янгиликлар

ҲОСИЛ БАРАКАЛИ БЎЛДИ

×

Айни кунларда Қўштепа туманидаги барча ҳудудларда отрядларга бириктирилган комбайн ҳамда бошқа техникалар ёрдамида миришкор деҳқонларимиз етиштирган мўл ҳосил – халқимизнинг ризқ-рўзи йиғиб олинмоқда.

Тумандаги фермер хўжаликлари бирин-кетин ғалла режасини ортиғи билан бажаришда жонбозлик кўрсатиб, юқори ҳосил олишга эришмоқдалар.

Жумладан, “Қумтепа Қамиштепа” ММТП ҳудудидаги “Алижон Бобомурод замини” фермер хўжалигида ҳам бу йилги ҳосил баракали бўлди.

– Бу йил 51.7 гектар ерга буғдой экканмиз – дейди фермер хўжалиги раҳбари Бобомурод Ахмедов. – Режани 107 фоизга бажардик. Ғалла ҳосилдорлиги ҳар гектаридан 80-90 центнерни ташкил этди.

Ҳозирда туманимизда бошоқли дон йиғиштириб олинмаган ғаллазорларда ўрим-йиғим мавсуми қизғин давом этмоқда.

Бизни ижтимоий тармоқларда кузатинг
Facebook, Telegram