1. Бош сахифа
2. Янгиликлар

ВАЗИР ЎРИНБОСАРИ ҚЎШТЕПА ТУМАНИ ТАЪЛИМ МУАССАСА РАҲБАРЛАРИ БИЛАН УЧРАШДИ

×

Аввал хабар берганимиздек, Мактабгача ва мактаб таълими вазири ўринбосари Фарҳод Боқиев вилоятимизда таълим соҳасида амалга оширилаётган ишлар билан яқиндан танишмоқда.

Бугун Қўштепа тумани ҳокимлигининг йиғилишлар залида тумандаги таълим муассасаларининг раҳбарлари иштирокида кенгайтирилган давра суҳбати ташкилланди.

Унда қатнашган вазир ўринбосари якунланиб бораётган ўқув йили ютуқ ва камчиликлари, янги ўқув йилини пухта ҳозирлик билан кутиб олиш хусусида гапирди.

Раҳбар таълим ва тарбиянинг узвийлиги, бу борада миллий қадрият ва анъаналаримиз, алломаларимизнинг бой меросига алоҳида тўхталиб ўтди.

Педагоглар мақоми, ўқитувчи қадр-қиммати ва унинг ҳурмати негизида маънавий ва маърифий ишлар самарадорлигини оширишга эътибор қаратди.

Ўқувчиларнинг бўш вақтларини мазмунли ташкил этиш, таълим самарадорлигини ошириш, муаллимларнинг ўз билимларини мунтазам ошириб боришлари учун барча шароитлар ҳамда имкониятлар мавжудлигини ва ундан оқилона фойдаланишга даъват қилди.

 Мактабларда ўтказилаётган педагогик кенгашларда кўриладиган масалаларнинг долзарблигига жиддий ёндашишлик муҳимлигини таъкидлади.

Шунингдек, ўқувчи ва ўқитувчиларнинг кийиниш маданияти ҳам бугунги кунда долзарб масалалардан бири бўлиб, бунинг учун раҳбарлар масъул эканлигини эслатиб ўтди.

Бизни ижтимоий тармоқларда кузатинг
Facebook, Telegram