1. Бош сахифа
2. Янгиликлар

ЗИЁРАТГОҲ ВА ҚАБРИСТОНЛАРДА, КЎЧАЛАРДА ҲАШАР УЮШТИРИЛИБ, ОБОДОНЛАШТИРИШ ИШЛАРИ ОЛИБ БОРИЛМОҚДА

×

Қўштепа тумани ҳокимлиги ташаббуси билан Муборак Қурбон ҳайити олдидан 8-9 июн кунлари маҳаллалардаги зиёратгоҳ ва қабристонларда, кўчаларда ҳашар уюштирилиб, ободонлаштириш ишлари олиб борилиши режалаштирилди.

Бугун эрта тонгдан бошланган ҳашарда “Ғиштмон” маҳалласидаги “Ғиштмон” қабристонида ҳам ҳашар ташкил этилиб, ободонлаштириш, тозалик ишларида 250 нафардан зиёд маҳалла аҳли иштирок этди. Натижада ҳудуд шох-шаббалардан, қабристон атрофи чиқиндилардан тозаланди ва ариқ йўллари очилди.

– Эрта тонгдан ҳашар бўлишини эшитиб, маҳалламиздаги ёшу қари келишди, – дейди “Ғиштмон” маҳалла фуқаролар йиғини раиси Арабжон Абдужалилов. – Қабристонлар тозалиги ва ободончилиги учун ўтказиладиган ҳашар инсонга меҳр-оқибат, одамийликдан сабоқ берувчи бебаҳо тарбиявий аҳамиятга эга тадбир саналади. Буни англаган маҳалладошларимиз ҳашарда бирдамликларини кўрсатишди.

Муборак Қурбон ҳайити олдидан ташкил этилган ҳашар тадбирлари якшанба куни ҳам туманимиз бўйлаб давом эттирилади.

Бизни ижтимоий тармоқларда кузатинг
Facebook, Telegram