Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ҚЎШТЕПАДА “ОНАЛАРГА ЭҲТИРОМ” ФЕСТИВАЛИНИНГ ТУМАН БОСҚИЧИ ЎТКАЗИЛДИ ВА ҒОЛИБЛАР ТАҚДИРЛАНДИ
2024-05-29 12:23:01 215
Бугун Қўштепа туманидаги “Райҳон” тантаналар мажмаусида вилоятимизда тўртинчи бор ўтказилаётган “Оналарга эҳтиром” фестивалининг туман босқичи якунларига бағишланган тадбир бўлиб ўтди.
200 нафарга яқин онахонларни, жамоатчилик вакилларини ўзида жамлаган тадбирда туман ҳокими Анваржон Абдуллаев ва туман секторлари раҳбарлари иштирок этди.
Байрам тадбирини туман ҳокими Анваржон Абдуллаев очиб берди. Сектор раҳбарлари иштирокида фестивал доирасида ўтган танловлар ғолибларига ва фаол иштирокчиларга ташкилотчиларнинг ташакурномалари, эсдалик совғалари топширилди. Шунингдек, Озодахон Тошматовага “Мўътабар аёл” кўкрак нишони ҳам топширилди.
Тадбирда сўз олганлар томонидан фестивал доирасида барча маҳалла ва масканларда, меҳнат жамоаларида маънавий-маърифий тадбирлар ўтказилиб, мўтабар зотларга юксак иззат-икром кўрсатилаётганига эътибор қаратилди.
Тўкин дастурхон атрофида жам бўлган мунис ва мўътабар онажонлар бундай эзгу ташаббус ва эътибордан мамнун эканликларини билдириб, бугунгидек тинч ва осойишта кунлар бардавом бўлишини тилаб дуога қўл очдилар.
Байрам дастури давомида туманимиз хушовоз хонандалари томонидан мўътабар онахонларга бағишланиб, янграган куй-қўшиқлар, гўзал рақслар дилларга янада кўтаринкилик бағишлади.
