1. Бош сахифа
2. Янгиликлар

ҚЎШТЕПАДА "МАДАНИЯТ ВА МАЪРИФАТ ОЙЛИГИ” ДОИРАСИДА ЎТКАЗИЛАЁТГАН ТАДБИРЛАР КЎТАРИНКИ РУҲДА БЎЛИБ ЎТМОҚДА

×

Қўштепа туманидаги "Шаҳартепа" маҳалла фуқаролар йиғини ҳудудида жойлашган 21-умумий ўрта таълим мактабида "Маданият ва маърифат" ойлиги доирасида "Уларнинг ҳаёти биз учун ибрат" шиори остида маънавий-марифий тадбир ўтказилди.

Тадбир давомида туман нуронийлар жамғармаси раиси, Маънавият ва маърифат маркази туман бўлинмаси раҳбари, узоқ йиллар педагог бўлиб ёшларга таълим тарбия берган устозлар, маҳалладаги фахрий отахон ва онахонлар ҳамда ёшлар иштирок этди.

Учрашувда фаоллар ва меҳмонлар томонидан ўз ҳаёт йўлларида дуч келган тўсиқлари ва эришган ютуқлари ҳақида сўзлаб бердилар. Шунингдек, ёшларга бугунги кунда улар учун яратилган шароит ва имкониятлардан оқилона фойдаланиб ҳаётда ўз ўрниларини топишлари зарурлигини тушунтирдилар. Тадбир якунида меҳнат фахрийлари ёшларни қизиқтирган саволларга жавоб бердилар.

Бизни ижтимоий тармоқларда кузатинг
Facebook, Telegram