1. Бош сахифа
2. Янгиликлар

ҚЎШТЕПА ТУМАНИ: ҒЎЗАГА БИРИНЧИ КОМПЛЕКС ИШЛОВ БЕРИШ ИШЛАРИ ОЛИБ БОРИЛМОҚДА

×

Жорий йил ҳосили учун Қўштепа тумани пахтачилик фермер хўжаликлари томонидан жами 6 минг 890 гектар майдонга чигит қадалган. Айни дамларда ҳудудларда ғўзага биринчи комплекс ишлов бериш ишлари қизғин равишда олиб борилмоқда.

Туман бўйича 130 дан ортиқ культиватор мазкур тадбирга жалб этилган бўлиб, ўртача бир кунда 250 гектар майдондаги ғўза қатор ораларига ишлов берилмоқда.

Шунингдек, пахта майдонларида учрайдиган хавфли зараркунандалар ва касалликларга қарши курашиш, биоҳимояни янада ривожлантириш, ҳудудларда биологик ҳимоялашни кучайтириш мақсадида ғўза майдонларига олтинкўз, трихограмма тарқатиш ишлари олиб борилмоқда.

Мухтасар айтганда, ўтаётган ҳар бир кун деҳқонларимиз учун ғанимат. Шунинг учун ҳам улар, бугун ҳар бир дақиқадан унумли фойдаланиб, далада агротехник тадбирларининг сифатли олиб бориш ҳамда бу билан эртанги ҳосилнинг чўғини баланд ва хирмоннинг баракали бўлишини ҳаракатида. 

Бизни ижтимоий тармоқларда кузатинг
Facebook, Telegram