1. Бош сахифа
2. Янгиликлар

МУБОРАК РАМАЗОН ОЙИДАГИ САХОВАТ ТАДБИРЛАРИ ДАВОМ ЭТМОҚДА

×

Рамазон ойи муносабати билан Қўштепа туманида ҳам кенг кўламда хайрли ишлар амалга оширилиб, юртдошларимиз ўртасида меҳр-мурувват, яхшилик фазилатлари янада мустаҳкамланмоқда. Айниқса, кам таъминланган, ижтимоий ҳимояга муҳтож кишилар ҳар томонлама қўллаб-қувватлатланмоқда.

Шунингдек, туман сектор раҳбарлари томонидан ёши улуғ кексалар, ногирон, якка ёлғиз яшовчи, кам таъминланган ва имконияти чекланган оилалар ҳолидан хабар олинмоқда.

Хусусан, бугун туман ҳокими Анваржон Абдуллаев 1-сектор ҳудудидаги эхтиёжманд ва кам таъминланган оилаларнинг холидан хабар олди. Ушбу оилаларга “Рамазон туҳфаси” сифатида кундалик турмушда зарур бўлган озиқ-овқат маҳсулотлари топширилди.

Ўзларига кўрсатилган эътибор ва ғамхўрликдан мамнун бўлган хонадон эгалари, тинч ва осойишта юртимизга шукрона айтиб, дуода бўлдилар.

Бизни ижтимоий тармоқларда кузатинг
Facebook, Telegram