1. Бош сахифа
2. Янгиликлар

ТУМАН ҲОКИМИ ҲУДУДЛАРДА

×

Қўштепа тумани ҳокими Анваржон Абдуллаев бугун ҳудудларда бўлиб, қишлоқ хўжалиги соҳасида амалга оширилаётган баҳорги юмушлар, чигит экишнинг бориши, ғалла майдонларида олиб борилаётган баҳорги озиқлантириш ҳамда суғориш борасидаги ишлар билан яқиндан танишди.

Туман ҳокими дастлаб "Бахт Йўлдош Охун" ММТП ҳудудида фаолият кўрсатиб келаётган "Янги ариқ дўстлик сари" ва "Зироат бахт", "Қорақушчи Отабоев" ММТП ҳудудидаги "Оғабек Давлат ери" фермер хўжаликлари даласида бўлиб, жорий йил ҳосили учун чигит экилиши режалаштирилган ҳамда ғалла майдонларида олиб борилаётган баҳорги озиқлантириш ва суғориш ишлари билан танишди.

Шунингдек, "А.Яссавий Лойсон" ММТП ҳудудида фаолият кўрсатиб келаётган "Комилжон ота Қобулов" номли фермер хўжалиги дала майдонларини ҳам кўздан кечирди.

Туман ҳокими томонидан чигит экиш ишларини белгиланган муддатларда бажарилишини таъминлаш, техникалар кучидан самарали фойдаланиш, ғалла майдонларида олиб борилаётган агротехник тадбирларни ўз муддатида бажариш, жараён иштирокчиларига етарли шароит яратиш бўйича масъулларга тегишли кўрсатмалар берилди.

Бизни ижтимоий тармоқларда кузатинг
Facebook, Telegram