1. Бош сахифа
2. Янгиликлар

МУБОРАК РАМАЗОН ОЙИ МУНОСАБАТИ БИЛАН ХАЙР-САХОВАТ ТАДБИРЛАРИ ДАВОМ ЭТМОҚДА

×

Муборак рамазон ойининг маънавий ҳаётимизда эзгулик, шукроналик, меҳр-оқибат каби олижаноб қадриятларни қарор топтиришдаги аҳамияти беқиёс. Ушбу ойда эътиборга муҳтож инсонлар ҳолидан хабар олиш халқимизга хос маънавий қадрият ҳисобланади. Бу ойда кишилар бир-бирини йўқлайди, совға-саломлар берилади, ҳомийлик ёрдамлари кўрсатилади. Ифторлик дастурхонлари ёзилиб, кўнгиллар шод этилади.

Қўштепа туманида ҳам муборак ой муносабати билан хайр-саховат тадбирлари олиб борилмоқда.

Жумладан, туман Тиббиёт бирлашмасида ҳам хайрли ишлар давом этмоқда. Бугун, Тиббиёт бирлашмаси бошлиғи (в.в.б) Х.Тешабоев раҳбарлигидаги масъуллар бирлашмада фаолият олиб борган вафот этган ҳамда кам таъминланган ходимларнинг хонадонида бўлишиб, уларнинг холидан хабар олишди.

Хонадон эгалари ўзларига кўрсатилган эътибордан мамнун бўлиб, юртга тинчлик-фаровонлик, оилаларга тотувлик, рўзғорга барака тилаб дуолар қилишди.

Бизни ижтимоий тармоқларда кузатинг
Facebook, Telegram