1. Бош сахифа
2. Янгиликлар

ПАВЛОНИЯ ВА “АВАТАР” УЗУМ КЎЧАТЛАРИ ХАРИДОРГИР БЎЛМОҚДА

×

Мамлакатимизда сўнгги йилларда павловния дарахтига қизиқиш ортиб бормоқда. Қўштепа туманидаги Гармдон МФЙда яшовчи Юнусхон Мирзахоновлар оиласи 2016 йилдан буён павловния кўчати етиштириш билан шуғулланиб келишмоқда.

Улар дастлаб, 2-3 мингта кўчат етиштирган бўлса, бу йилга келиб, сотиладиган кўчатлар сони 60 минг донага етди. Қолаверса кўчатлар қўшни Қирғизистон ва Тожикистон республикаларига ҳам экспорт қилинмоқда. Бугунга келиб маҳалладаги 20 нафар ишсизларнинг бандлиги таъминланди.

Юнусхон Мирзахонов бу йил яна бир ишга қўл урди. 2004-йилда АҚШнинг “Интернатионал Фруит Генетиcс” компанияси олимлари томонидан яратилган “Аватар” узум нави қаламчаларидан янгилик сифатида 6 минг дона етиштирди. Юқори ҳосилдорлик, доналарининг йириклиги, қанд миқдорининг юқорилиги, рангининг ўзига хослиги билан бозорда бошқа навларга нисбатан қиммат юрадиган “Аватар” узум кўчатлари харидоргир бўлмоқда. Энг муҳими томорқадан унамли фойдаланган деҳқон ер билан тиллашиб яхшигина даромад топмоқда.  

Бизни ижтимоий тармоқларда кузатинг
Facebook, Telegram