1. Бош сахифа
2. Янгиликлар

УЧ АВЛОД УЧРАШУВИ

×

Бугун Қўштепа туманидаги 48-умумтаълим мактабида "Эслаб, эслаб!" шиори остида уч авлод учрашуви ўтказилди.

Уч авлод учрашувлари ёшлар учун катта тажриба ва ҳаёт мактаби бўлиб хизмат қилади. Тарих, бугун ва келажакни бирлаштира олган учрашувлар кекса-ю ёшнинг хотира зарварақларида унутилмас кун бўлиши шубҳасиз. Ишонамизки, жонли тарих билан сўзлашиш, уларни яқиндан таниш, биргаликда ҳамфикр бўлиш ёшлар ҳаётида ўчмас из қолдиради.

Ушбу тадбирда мактабда фаолият юритган меҳнат фахрийлари, мактаб педагог ходимлари ҳамда олий таълимни битириб ўз фаолиятини бошлаш арафасида турган ёшлар иштирок этдилар.

Тадбир давомида мактаб директори Б.Низомов умумтаълим мактабида маънавий-маърифий ишлар самарадорлигини оширишдаги ташкилотчилиги учун Маънавият ва маърифат маркази туман бўлинмаси томонидан ташаккурнома ва эсдалик совғалари билан тақдирланди.

Бизни ижтимоий тармоқларда кузатинг
Facebook, Telegram