1. Бош сахифа
2. Янгиликлар

РАСМИЙ МУНОСАБАТ

×

Ижтимоий тармоқларда Қўштепа тумани ҳудудидан суюлтирилган газ таъминоти бўйича билдирилган мурожаат юзасидан қуйидагиларни маълум қиламиз.

Мурожаатда “Қора қушчи” МФЙ ҳудудига суюлтирилган газ баллон ўз вақтида етказиб берилмаётганлиги юзасидан эътироз билдирилган бўлиб, мазкур мурожаат сабаби “Қўштепатумангаз” газ таъминоти бўлими мутахассислари томонидан ўрганиб чиқилди.

“Ҳудудгаз Фарғона” Қўштепа тумангаз идораси суюлтирилган газ хизмати ходимлари томонидан “Қора қушчи” МФЙга жорий йил 9 февралдан буён суюлтирилган газ тарқатилмоқда. Бугунги кунгача маҳалланинг Равнақ, Гулобод, Боғимайдон, Турон кўчалари доимги тартиб бўйича суюлтирилган газ билан таъминланди. Бугун, 15 февраль куни, қўшимча автотранспорт жалб қилиниб, маҳалланинг Турон кўчаси тўлиқ таъминланади. Ҳамкор кўчасида ҳам суюлтирилган газ таъминоти амалга оширилади.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram