1. Бош сахифа
2. Янгиликлар

БОЛАЖОНЛАРГА БАЙРАМ ТУҲФАСИ

×

Бугун Қўштепа туманидаги Ғиштмон маҳалласи ҳудудида жойлашган 28-МТМда қўшалоқ байрам бўлди.  “Ташаббусли бюджет” лойиҳаси доирасида 28-МТТга 90 ўринли қўшимча бино қуриб битказилиб фойдаланишга топширилди.

Муассасага “Ташаббусли бюджет” лойиҳаси доирасида 1 200 000 000 сўм маблағ ажратилди ва 90 ўринли қўшимча бинонинг қурилиш ишлари “Дугоба ниҳол сервис” МЧЖ томонидан олиб борилди. Қолаверса ушбу боғчанинг филиалини таъмирлаш учун маҳаллий бюджет маблағлари ҳисобидан 163 миллион сўм ажратилди. Ҳозирда муассасанинг филиали ҳам тўлиқ таъмирдан чиқарилиб, қишлоқдаги болажонлар учун тўла-тўкис шароитлар яратилди.

28-МТМда ташкил этилган тадбирда туман ҳокими И.Новиков ва сектор раҳбарлари, маҳалла нуронийлари, мутасадди идора раҳбарлари, шунингдек муассасанинг тарбиячи ва тарбияланувчилари иштирок этишди.

Тадбир давомида болажонлар иштирокида мусиқий дастур ҳам намойиш этилди.    

Бизни ижтимоий тармоқларда кузатинг
Facebook, Telegram