1. Бош сахифа
2. Янгиликлар

ДАВЛАТ БАЙРОҒИ ТЎҒРИСИДАГИ ҚОНУН ҚАБУЛ ҚИЛИНГАН КУН МУНОСАБАТИ БИЛАН ҚЎШТЕПАДА БАЙРАМ ТАДБИРИ ЎТКАЗИЛДИ

×

Қўштепа туманидаги Маданият марказида Ўзбекистон Республикаси давлат байроғи қабул қилинган куннинг 32 йиллиги муносабати билан маънавий-маърифий тадбир бўлиб ўтди.

Тадбирда сектор раҳбарлари, туман ҳокимининг ўринбосарлари, меҳнат фахрийлари, ҳарбийлар, ҳуқуқ-тартибот идоралари ходимлари, шунингдек кенг жамоатчилик вакиллари ва ёшлар иштирок этишди.

Тадбирда туман ҳокими Илёсбек Новиков сўзга чиқиб барчани байрам билан табриклади.

Шунингдек тадбир давомида вилоят ҳокимлиги, вилоят Мактабгача ва мактаб таълими бошқармаси ҳамда Vodiy1.uz нашри билан ҳамкорликда 18 ноябрь - давлат байроғимиз қабул қилинган кун муносабати билан вилоят мактабгача ва мактаб таълими бошқармаси тизимидаги мактаблар ўқувчилари ўртасида “Байроғим – фахрим, ғурурим” шиори остида ўтказилган видеороликлар танловида иштирок этиб, фахрли 3-ўринни қўлга киритганлиги учун 37-умумий ўрта таълим мактабининг 2 а синф ўқувчиси Абдумўминова Меҳрангиз Абдубанноб қизи фахрий ёрлиқ ва эсдалик совғаси билан тақдирланади.

Шундан сўнг, тадбирнинг театрлашган мусиқий қисми бўлиб ўтди. Унда туман Маданият бўлимининг хушовоз хонандалир томонидан ватанимизни мадҳ этувчи куй-қўшиқлар янгради.

Бизни ижтимоий тармоқларда кузатинг
Facebook, Telegram