Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ЯНА БИР БОРА ҒАЛАБА МУБОРАК БЎЛСИН, ЁРҚИНБЕК!
2023-10-30 16:59:59 377
Жорий йилнинг 22-28 октябрь кунлари Хитойнинг Ханчжоу шаҳрида ўтказилган IV Пара Осиё ўйинларида муваффақиятли иштирок этган матонатли пара атлетларимиз 25 та олтин, 24 та кумуш ва 30 бронза, жами 79 та медални қўлга киритиб, юртимизга қайтдилар.
Ўзбекистонлик матонатли спортчиларимиз орасида қўштепалик Ёрқинбек Одиловнинг борлиги барчамизни қувонтирди. Ёрқинбек Одилов пара енгил атлетиканинг эркаклар ўртасида ўтказилган F57 классида найза улоқтириш дастурида иштирок этиб 47.72 метр натижа билан кумуш медални қўлга киритди.
Бугун туман ҳокими И.Новиков ва сектор раҳбарлари Шомирза МФЙда яшовчи Ёрқинбек Одиловнинг хонадонига ташриф буюришди. Ёрқинбекни эришган ғалабаси билан табриклашиб, унга туман ҳокимлигининг эсдалик совғаларини топширишди.
