Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
КЎШТЕПА ДАЛАЛАРИДА ТЕРИМ МАШИНАЛАРИ
2023-10-13 11:29:57 508
Илгарилари пахта мавсумини қудратли машиналарсиз тасаввур этиб бўлмасди. Кейинги пайтларда эса уларни далаларда учратиш амримаҳол бўлиб қолганди. Ваниҳоят, Қўштепа пахтазорларида ҳам энг замонавий терим агрегатлари кузатилмоқда. “Фарғона глобал текстил” пахта-тўқимачилик кластери бу йил Американинг бир кунда қирқ тоннагача пахта терадиган қудратли терим агрегатларини сотиб олди. Бугун кластер далаларида юқори унумли “КЕЙС-III” ва “ЖОНДЕР” терим машиналари кунига 25-30 тоннадан пахта термоқда. Пахтани машинада териш тажрибасини ўрганиш учун қўшни туманлардан мутахассис ва фермерлар ташриф буюрмоқдалар.
– Мавсум қизиган пайтда теримчилар ўртача 100 килограммдан пахта терган бўлсалар, битта техниканинг ўзи ҳар куни 250-300 теримчининг ишини уддалаб қўйяпти десак, хато бўлмайди – дейди, 15-бўлим бошлиғи Қўчқорали Ҳусанов. – Аввало кластер далаларида, хусусан бўлимимизнинг 72 гектар майдонида ҳам чигит 90х90 схема асосида экилиб, дефолиация қилинди, бир сўз билан айганда, машина теримига мослаштирилди. Энди фермерлар ҳам пахтани машинабоп қилиб эксалар, қўл кучига зориқмайдилар. Кластердан машинани ижарага олишлари мумкин. Теримчилар эса тозалов учун зарур бўладилар.
