1. Бош сахифа
2. Янгиликлар

ИЛҒОР ТЕРИМЧИ ВА ҲАШАРЧИЛАР РАҒБАТЛАНТИРИЛДИ

×

Айни кунларда юртимиз далаларида пахта йиғим-терим мавсуми авж паллага кириб бормоқда. Минг машаққат билан етиштирилган ҳосилни нес-нобуд қилмай йиғиб олиш мақсадида теримчилар, кўнгилли ҳашарчилар астойдил бел боғлаб меҳнат қилишмоқда. Хусусан, Қўштепа туманида ҳам пахта ҳосилини йиғиб олиш ишлари жадал суръатда олиб борилмоқда. Теримчиларга муносиб меҳнат шароити яратилиб, пахта далаларида концерт дастурлари ташкил этилмоқда. Шунингдек, пахтани нест-нобуд қилмасдан саранжомлаб олишда ўзининг муносиб ҳиссасини қўшаётган илғор теримчилар мунтазам равишда рағбатлантириб борилмоқда.

Бугунги қуёшли кунларнинг қадрига етиб меҳнат қилаётган теримчилар учун Истиқбол МФЙ ҳудудидаги “Турдалиев Мадаминжон” фермер хўжалигида ҳам маданий-маърифий тадбир ташкил этилди.

Тадбир давомида туман Маданият бўлими санъаткорлари томонидан шўх куй-қўшиқлар ижро этилиб, илғор теримчилар ва ҳашарчиларга эсдалик совғалари топширилди.

Бизни ижтимоий тармоқларда кузатинг
Facebook, Telegram