1. Бош сахифа
2. Янгиликлар

ҚАТАҒОН ҚУРБОНЛАРИ ХОТИРЛАНДИ

×

31 август-қатағон қурбонларини ёд этиш куни муносабати билан Қўштепа тумани ҳокими Илёсбек Новиков бир гуруҳ фаоллар иштирокида қатағон қурбонлари авлодлари билан учрашди.

Соҳибкор МФЙда яшаган Холматжон Махмудов 1910 йилда Қўштепа туманида туғилган. 1937 йилда ота-онаси билан бирга Украинага қатағон қилинган. Орадан 16 йил ўтиб, 1953 йилда оқланиб ўз уйларига қайтиб келишган. Холматжон Махмудов механика таъмирлаш корхонасида уста темирчи бўлиб умрининг охирига қадар меҳнат қилди ва 1991 йилда 81 ёшида вафот этди.

Холматжон Махмудов 1989 йилда “Меҳнат фахрийси” нишони ва турмуш ўртоғи Халимахон Махмудова 1995 йилда “Шуҳрат” медали билан тақдирланган. Уларнинг барча фарзандлари уйли жойли тинч ҳаёт кечирмоқдалар.

Туман раҳбари Холматжон Махмудов яшаган хонадонда бўлди. Бугун ҳам тарихнинг қора кунлари ва аянчли тақдирлар ёдга олинди. Ушбу оилага озиқ-овқат маҳсулотлари ва эсдалик совғалари берилди.

Бизни ижтимоий тармоқларда кузатинг
Facebook, Telegram