1. Бош сахифа
2. Янгиликлар

ҚЎШТЕПА ТУМАНИДА 245 НАФАР ЎҚУВЧИГА БЕПУЛ МАКТАБ ФОРМАЛАРИ, СУМКА ВА ЎҚУВ ҚУРОЛЛАРИ ТОПШИРИЛДИ

×

#Байрам_туҳфаси

Қўштепа туманида мустақиллигимизнинг 32 йиллиги муносабати билан хайру-саховат тадбирлари кенг қулоч ёймоқда. Байрам арафасида янги ўқув йили бошланиши муносабати билан тумандаги ижтимоий ҳимояга муҳтож болаларни қўллаб-қувватлаш мақсадида уларга мактаб формалари, сумка ва ўқув қуроллари олиб берилди.

Аввал хабар берганимиздек, тумандаги “GLOBAL TEXTILE SOLUTIONS” МЧЖ хомийлигида олинган мактаб формалари, сумка ва ўқув қуроллари маҳаллаларда истиқомат қилувчи эҳтиёжманд оилаларнинг 70 нафар фарзандларига етказиб берилган бўлса, бугун яна болажонларга байрам совғалари улашилди.

Туман Маданият марказида ташкил этилган тадбирда хомийлар томонидан олинган мактаб формалари, сумка ва ўқув қуроллари маҳаллаларда истиқомат қилувчи эҳтиёжманд оилаларнинг 175 нафар фарзандларига бепул етказиб берилди.

“Фарғона ҳудудий элект тармоқлари” АЖ, вилоят Экология бошқармаси ҳамда “Саховат ва кўмак” жамғармаси туман бўлинмаси мазкур эзгу ишга муносиб ҳисса қўшдилар.

Тадбирда туман ҳокими И.Новиков иштирок этиб, болалар ва уларнинг ота-оналари билан дилдан суҳбатлашди.

Бундай эътибор шу тоифадаги оилалар фарзандлари учун истиқлол айёми ҳамда янги ўқув йили олдидан муносиб байрам туҳфаси бўлди.

Бизни ижтимоий тармоқларда кузатинг
Facebook, Telegram