1. Бош сахифа
2. Янгиликлар

ЛОЙСОНЛИК ЁШЛАРГА СУБСИДИЯ АСОСИДА МЕҲНАТ ҚУРОЛЛАРИ ТОПШИРИЛДИ

×

Ёшларни ватанпарварлик руҳида тарбиялаш, уларни она юртга садоқат, мард ва жасур қилиб камолга етказиш бугуннинг устувор вазифаларидан бири ҳисобланади.

Шу боис, бу борадаги тарғибот ва ташвиқот ишларини жадаллаштириш ўзининг ижобий самарасини бермоқда.

Хусусан, ёшларнинг бандлигини таъминлаш, уларни тадбиркорликка жалб этиш, айниқса "Ёшлар дафтари” рўйхатидаги ва оғир тоифадаги ёшларнинг ҳаётда муносиб ўрин топишларига кўмаклашиш муҳим масала ҳисобланади.

Куни кеча Лойсон МФЙ ҳудудидаги оғир тоифадаги ёшларга ўз-ўзини банд қилишлари учун Қўштепа тумани Ёшлар ишлари агентлиги ва масъуллар томонидан субсидия асосида асбоб-ускуналар ҳамда меҳнат қуроллари топширилди.

Жумладан, Дилмурод Тойиржоновга мотокультиватор, Хуснида Исмоиловага тикув машинаси ҳамда Зухра Валижоновага кампьютер берилди.

Таъкидлаш жоизки, мамлакатимизда ёшларга кўрсатилаётган бундай эътибор, ҳар бир ўғил-қиз тақдири давлатимиз назоратида, эътиборида эканлигидан далолат.

Бизни ижтимоий тармоқларда кузатинг
Facebook, Telegram