1. Бош сахифа
2. Янгиликлар

КЎПРИКБОШИ МАҲАЛЛАСИДА АҲОЛИГА ҚУЛАЙЛИКЛАР ЯРАТИЛМОҚДА

×

Қўштепа туманидаги Кўприкбоши МФЙдаги 618 хонадонда 3 мингдан зиёд аҳоли истиқомат қилади. Айнан Давлат раҳбарининг қарорига асосан ажратилган республика бюджети маблағлари эвазига маҳалладаги муаммолар босқичма-босқич ҳал этилмоқда.

Бугунги кунда ажратилган 6 миллиард сўм эвазига 6 километр ички кўчаларга янги сув тармоқлари тортиш ҳамда 300 метр чуқурликдан қудуқ қазиш ишлари олиб борилмоқда. Сув қудуғи қазилгач битта 25 тонна сув сиғимига эга иншоат ўрнатилади. Шу кунгача маҳалланинг 30 фоиз аҳолиси ичимлик суви билан таъминланган бўлса, янги тармоқ тортиш ишлари якунига етказилгач сувлашган хонадонлар сони 70 фоизга етади.

Эътиборлиси, ичимлик тармоғи тортиш ишларидан сўнг маҳалланинг 3 километр ички кўчаларига асфальт қопламаси ётқизиш бошланади.

Бизни ижтимоий тармоқларда кузатинг
Facebook, Telegram