1. Бош сахифа
2. Янгиликлар

ФУҚАРОЛАР ҚАБУЛИДА АҲОЛИ МУРОЖААТЛАРИ ЎЗ ЕЧИМИНИ ТОПМОҚДА

×

Президент Халқ қабулхоналари элнинг бирдамлиги ва ҳамжихатлигига хизмат қилмоқда

Мамлакатимиз раҳбарининг “Одамларимиз ислохотлар самарасини келажакда эмас, балки бугун ўз ҳаётида ҳис этишлари зарур”, деган ҳаётбахш ғояси бугунги кунларда ўзини тўлиқ оқламоқда. Айтганларимиз Президентимиз асос солган халқ билан мулоқот тизимининг амалий натижалари, жойларда ташкил этилган Президент Халқ қабулхоналари фаолияти асосида ўзгалар кўмагига муҳтож, нажот кутаётган инсонларга кўрсатилаётган кўмаклар асосида ҳам ўз исботини топмокда.

Қўштепа тумани аҳолиси мурожаатлари билан ишлаб келаётган Президент Халқ қабулхонаси томонидан ҳам келиб тушаётган мурожаатлар ва уларнинг ечимини топиш чоралари зудлик билан кўрилмоқда.

Хусусан, халқ билан очиқ мулоқотни йўлга қўйиш мақсадида Қўштепа тумани ҳокими Илёсбек Новиков ва сектор раҳбарлари, шунингдек, халқ қабулхонасининг мудири томонидан ҳафтанинг ҳар сешанба куни Халқ қабулхонасида фуқаролар қабули ўтказилмоқда.

Бугун бўлиб ўтган қабул давомида 3 нафар фуқаронинг мурожаатлари шу жойнинг ўзида ижобий ҳал этилди. Жумладан, Шодлик МФЙ Зафаробод кўчаси, 13-уйда яшовчи Ширин Исмоилова, Янгиариқ МФЙ Обод юрт кўчасида яшовчи Одина Аҳмедова, Қумтепа МФЙ, Латиф кўчаси, 238-уйда яшовчи Дилшода Алибековаларнинг мурожаатлари қаноатлантирилиб, уларнинг ҳар бирига саховатпеша хомийлар томонидан 5 миллион сўмдан моддий ёрдам берилди.

Бизни ижтимоий тармоқларда кузатинг
Facebook, Telegram