1. Бош сахифа
2. Янгиликлар

ТОЖИХОН ОНА МАДУМАРОВАГА ЭҲТИРОМ КЎРСАТИЛДИ

×

“Оналарга эҳтиром” фестивали Қўштепа тумани бўйлаб кўтаринки руҳда давом этмоқда.

Фестивал доирасида маҳаллаларда, ҳар бир ташкилот ва таълим масканларида турли кўрик-танловлар, маданий-маърифий тадбирлар ташкилланиб, дунёдаги энг улуғ зот – Оналарга ҳурмат ва эҳтиром кўрсатилмоқда.

Ана шундай тадбирлардан бири Шакар маҳалла фуқаролар йиғини ходимлари томонидан Ҳунармандлар кўчасида яшовчи Мадумаровлар хонадонида ташкилланди. Туман ҳокими ўринбосари – оила ва хотин-қизлар бўлими бошлиғи М.Юлдашева иштирокида 74 ёшли Тожихон она Мадумаровага эҳтиром кўрсатилди.

7 нафар комил фарзандни тарбиялаб вояга етказган Тожихон она Мадумарованинг бир этак невара-чеваралари бор. Тадбир давомида онахоннинг фарзандлари эҳтиром кўрсатишиб, дил изҳорларини айтишди.

Бизни ижтимоий тармоқларда кузатинг
Facebook, Telegram