1. Бош сахифа
2. Янгиликлар

ЙЎЛДОШОБОДЛИК ОНАХОНЛАРГА ЭҲТИРОМ КЎРСАТИЛДИ

×

Вилоят ҳокими ташаббуси билан уч йилдан буён ўтказилиб келинаётган “Оналарга эҳтиром” фестивали Қўштепа туманида ҳам давом этмоқда.

Навбатдаги тадбир Йўлдошобод маҳалласи ҳудудидаги 24-Давлат мактабгача таълим ташкилотида бўлиб ўтди. Кўтаринки руҳда ўтказилган тадбирда Йўлдошобод маҳалласида истиқомат қилувчи онахонлар ва опа-сингилларимиз иштирок этишди.

Тадбирда иштирок этган туман ҳокими И.Новиков барча иштирокчиларни табриклаб, уларнинг шаънига илиқ сўзларни айтди.

Бир пиёла чой устида ташкил этилган тадбирда барча онахонлар-у, опа-сингилларимизга эҳтиром кўрсатилиб, совға-саломлар, гулдасталар улашилди. 24-Давлат мактабгача таълим ташкилоти болажонлари томонидан оналарни мадҳ этувчи куй-қўшиқлар янгради.

Бизни ижтимоий тармоқларда кузатинг
Facebook, Telegram