1. Бош сахифа
2. Янгиликлар

ЯНГИ КОНСТИТУЦИЯ - ХАЛҚ ДАРДИГА ҚУЛОҚ СОЛУВЧИ ДАВЛАТ АСОСИ!

×

Бугун Қўштепа туманида “Янги Конституция – халқ дардига қулоқ солувчи давлат асоси!” шиори остидаги тарғибот тадбирлари бўлиб ўтди.

Қийқи Маданият марказида кенг жамоатчилик иштирокида “Аёли эъзозланган юрт” шиори остида бўлиб ўтган маънавий-маърифий тарғибот тадбири кўтаринки руҳда ўтказилди.

Тадбирда республика ишчи гуруҳи аъзолари Ўзбекистон халқаро ислом академияси “Ижтимоий-гуманитар” фанлар кафедраси профессори М.Қаҳҳарова, Оила ва хотин-қизлар илмий-тадқиқот институти бўлим бошлиғи С.Ходжаев, Оила ва хотин-қизлар қўмитаси бош мутахассиси Г.Асқарова ҳамда ЎзКимёсаноат АЖ бошқаруви раиси маслаҳатчиси С.Абдураҳмоновалар қўштепалик аёллар билан юзма-юз мулоқотда бўлдилар.

Тарғибот тадбири давомида ташкилланган концерт дастури, туман маданият бўлими санъаткорларининг шўх куй-қўшиқлари барчани хушнуд этди.

Шунингдек, тарғибот тадбири доирасида ёш китобхонлар билан учрашув ҳам бўлиб ўтди. Ишчи гуруҳ аъзолари аксарият хотин-қизлар фаолият юритаётган “Soib Ali tekstil”, “Grand military” МЧЖ ишчилари билан мулоқотда бўлдилар. Корхоналарда аёлларга яратилган шароит, моддий таъминот масалалари билан ҳам танишдилар.

Ишчи гуруҳ вакиллари ва “Карнайчи” маҳалласидаги кўчабошилар, “Оқила аёллар” ҳаракати аъзолари билан маҳалладаги 4-босқич “Аёллар дафтари”да турувчи Ў.Мамажоноваларнинг хонадонида давра суҳбати ўтказилди. Тадбирда мамлакатимизда хотин-қизлар манфаатлари ва оила масалаларини янада мустаҳкамлаш бўйича амалга оширилаётган ислоҳотлар ҳақида фикр юритилди.

Бизни ижтимоий тармоқларда кузатинг
Facebook, Telegram