1. Бош сахифа
2. Янгиликлар

МЕҲР-ОҚИБАТ, ХАЙР-САХОВАТ КЎРСАТИШ ХАЛҚИМИЗГА ХОС ФАЗИЛАТДИР

×

РАМАЗОН-МЕҲР ВА САХОВАТ ОЙИ!

Муҳтожларга меҳр-оқибат, хайр-саховат кўрсатиш халқимизга хос фазилатдир. Бундай эзгу тушунчалар айниқса, муборак моҳи рамазонда янада кенг қулоч ёймоқда. Қўштепа туманида ҳам муборак ой муносабати билан ёши улуғ кексалар, имконияти чекланган, меҳрга муҳтож кишилар ҳолидан хабар олиниб, улар учун ифторлик дастурхони тузилмоқда.

Қўштепа тумани ҳокими ўринбосари – оила ва хотин-қизлар бўлими бошлиғи Марямхон Юлдашева ҳамда “Оқила аёллар ҳаракати” аъзолари маҳаллаларда бўлишиб, ижтимоий ҳимояга муҳтож аёллар холидан хабар олишмоқда. Улар Борот маҳалла фуқаролар йиғинида бўлиб, боқувчисини йўқотган, иккинчи гуруҳ ногирони Шаходатхон Парамонова ҳамда якка ёлғиз аёл Маъмурахон Хотамовалар билан суҳбат ўтказишди.

Суҳбат асносида аёлларнинг муаммолари ўрганилиб, амалий ёрдам бериш чоралари белгиланди. Шунингдек, уларга Рамазон туҳфаси сифатида озиқ-овқат маҳсулотлари ҳамда совға-саломлар улашилди.

Бизни ижтимоий тармоқларда кузатинг
Facebook, Telegram