1. Бош сахифа
2. Янгиликлар

ҲУНАРЛИНИНГ ҲУНАРИ - МУРОДИГА ЕТКАЗАР

×

Халқимизда “Ҳунарли киши хор бўлмас”, деган нақл бежиз айтилмаган. Қўлида ҳунари бўлган одамнинг рўзғори бут, кўнгли тўқ, жамиятда ўз ўрнига эга бўлади. Ҳунарли инсон ўзига ҳам, ўзгаларга ҳам наф келтиради.

Шу боис ҳам мамлакатимизда ҳунармандчиликни ривожлантиришга алоҳида эътибор қаратилмоқда. Бугунги кунда Қўштепа туманида ҳунарманд аёллар сони тобора ошиб бормоқда. Янги дўкон маҳалла фуқаролар йиғинида яшовчи Шохистахон Раҳмонова юртимизда аёлларга берилаётган имкониятлардан фойдаланиб, 21 миллион сўм кредит эвазига 3 дона тикув машинаси олди. Касби тикувчи бўлганлиги учун дастлаб оиладаги қизлари ва келинлари билан пойабзал тикишни йўлга қўйди.

Ҳозирга келиб ҳунармад аёлнинг иш фаолияти янада кенгайди. Қўшимча тикув машиналари ҳарид қилиб, маҳалладаги 5 нафар ишсиз аёлларни ҳам ёнига олди. Шохистахон Раҳмоновага шогирд тушиб, оиласига даромад олиб кираётган аёлларнинг 3 нафари маҳалланинг “Аёллар дафтари”да туришади.

Бундан ташқари Шохистахон касаначилик фаолиятини ҳам йўлга қўйган. Ҳозирда 10 нафар маҳалладошлари касаначилик асосида иш олиб боришмоқда. 

Бизни ижтимоий тармоқларда кузатинг
Facebook, Telegram