1. Бош сахифа
2. Янгиликлар

ҚЎШТЕПА ТУМАНИДА “ИШГА МАРҲАМАТ” МЕҲНАТ ЯРМАРКАСИ ЎТКАЗИЛДИ

×

Қўштепа тумани Аҳоли бандлигига кўмаклашиш марказида ташкил этилган бўш иш ўринлари меҳнат ярмаркаси “Ишга марҳамат” шиори остида бўлиб ўтди.

Аҳоли турмуш тарзини яхшилаш ишлаш истагида бўлган “Аёллар дафтари” ва “Ёшлар дафтари”да рўйхатга олинган фуқороларнинг бандлигини таъминлаш, касбга ўқитиш, тадбиркорлик фаолиятни йўлга қўйиш, шунингдек, меҳнатга лаёқатли ишсиз, ташқи меҳнат миграциясидан келган аёлларни бандлигини таъминлаш мақсадида туман ҳокимлиги, туман прокуратураси, Аҳоли бандлигига кўмаклашиш маркази ҳамда маъсул идора ва ташкилотлар  билан ҳамкорликда “Бўш иш ўринлари меҳнат ярмаркаси” ўтказилди.

Меҳнат ярмаркасида туман ҳокими И.Новиков ва сектор раҳбарлари ҳам иштирок этишди.

Мазкур меҳнат ярмаркасида тумандаги 45 та тадбиркорлик субъектлари, ҳунармандлар, корхона-ташкилотлар, муассасалар ўзларидаги мавжуд 300 га яқин бўш (вакант) ҳамда квота иш ўринлари ва ишлаб чиқарилган маҳсулотларидан намуналар билан қатнашдилар.

Бундан ташқари ишсиз фуқаролар учун ish.mehnat.uz ахборот тизими орқали тақдим этилган 1000 дан ортиқ иш ўринлари ҳам ҳавола этилди.

Меҳнат ярмаркасида 100 нафардан зиёд фуқаролар иштирок этишган бўлса,  шундан меҳнатга лаёқатли, ишлаш истагида бўлган, вақтинча банд бўлмаган 15 нафар фуқароларга ишга жойлаштириш учун йўлланмалар берилди. 45 нафар фуқаролар касб-ҳунарга ўқитишга йўналтирилди. Шунингдек, 42 нафар фуқароларга марказ ходимлари томонидан меҳнат муносабатларига оид маслаҳатлар берилди.

Бизни ижтимоий тармоқларда кузатинг
Facebook, Telegram