Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ҚИЙҚИ МАҲАЛЛАСИНИНГ ИНФРАТУЗИЛМАСИ ҲАМ ЯХШИЛАНМОҚДА
2023-02-20 15:59:21 156
Қўштепа туманидаги Қийқи МФЙ ҳудудида ҳам аҳоли турмуш шароитини, маҳаллалар инфратузилмасини яхшилаш мақсадида бир қатор ишлар амалга оширилмоқда.
Хусусан, Ўзбекистон Республикаси Президенти томонидан 2022 йилнинг 25 октябрь куни қабул қилинган “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги ПҚ-408 сонли қарорига кўра Қийқи маҳалла фуқаролар йиғини ҳудудида тоза ичимлик суви тармоғи тортиш ишлари олиб борилмоқда.
Қийқи маҳалласидаги Сардоба кўчаси ҳудудида 1 дона янги тик ичимлик суви қудуғи қазиш, 1 дона янги сув минораси ва 1 дона янги сув насоси ўрнатиш, 1.5 километр янги ичимлик суви тармоғи тортиш ишларини бажариш режалаштирилиб, 1120.0 миллион сўм маблағ ажратилган. Пудратчи ташкилот “Барака Файз Инвест” МЧЖ томонидан шу кунгача Сардоба кўчаси ҳудудида 0.7 километр траншея қазиш ҳамда 0.3 километр тармоқ тортиш ишлари бажарилди.
