1. Бош сахифа
2. Янгиликлар

ҚЎШТЕПА ТУМАНИДА ИЧИМЛИК СУВИ МУАММОСИ ҲАЛ ЭТИЛМОҚДА

×

Қўштепа туманидаги айрим маҳаллаларда ичимлик суви таъминотида муаммолар бор эди. Кейинги йилларда мазкур муммолар ижобий ҳал этилиб, ўтган йили туманда салмоқли ишлар бажарилди. Ушбу ҳайрли ишлар бу йил ҳам давом этмоқда. Хатто чекка ҳудудлардаги маҳаллаларда ҳам ичимлик суви таъминоти яхшиланмоқда.

Хусусан, айни кунларда 11 та маҳаллада Ўзбекистон Республикаси Президентининг 2022 йил 25 октябрдаги ПҚ-408 сонли қарорига кўра тоза ичимлик суви тармоғи тортиш ва сув таъминотини яхшилаш ишлари олиб борилмоқда.

Соҳибкор МФЙ ҳудудида ҳам тоза ичимлик суви тармоғи тортиш ишлари давом этмоқда. Ушбу бунёдкорлик ишларида маҳалла аҳли ҳашар уюштириб, фаол иштирок этишмоқда.

Маҳалла ҳудудида 1 дона янги тик ичимлик суви қудуғи қазиш, 1 дона янги сув минораси ва 1 дона янги сув насоси ўрнатиш, 4.0 километр янги ичимлик суви тармоғи тортиш ишларини бажариш режалаштирилиб, 3770.0 млн. сўм маблағ ажратилган. Пудратчи ташкилот “Фарғона Бунёдкор Қурилиш” МЧЖ томонидан 1 дона қудуқ қазиш ишлари бошланиб, 1.6 километр тармоқ тортиш ишлари бажарилди.

Бизни ижтимоий тармоқларда кузатинг
Facebook, Telegram