Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
СОВУҚ КУНДА ИССИҚҚИНА ОШ ТАРҚАТИЛМОҚДА
2023-01-18 14:16:23 149
Юртимиз бўйлаб кузатилаётган совуқ об-ҳаво шароитида бир-биримизга бўлган меҳр-мурувват, саховат туйғуларимиз янада яққол намоён бўлмоқда.
Таъкидлаб ўтганимиздек, Қўштепа туманидаги ижтимоий ҳимояга муҳтож аҳоли қатламини қўллаб-қувватлаш мақсадида туман ҳокимлиги ташаббуси билан маҳаллаларда дошқозонлар осилиб ош дамланиб, эҳтиёжманд, ижтимоий ҳимояга муҳтож аҳоли қатлами, ногиронлиги бўлган фуқаролар, бемор ва кексаларга тарқатилмоқда.
Бугун ҳам Қийқи маҳалласида икки маҳал ош дамланиши режалаштирилган бўлиб, тушлик маҳали тайёр бўлган иссиқ таом маҳаллалардаги эҳтиёжманд, боқувчисини йўқотган оилаларга, беморларга, кексаларга беминнат тарқатилди. Шунингдек уларнинг ҳолидан хабар олинди.
Қўштепа туманидаги маҳаллаларда аҳолини ижтимоий ҳимоя қилиш ва синовли кунларда ҳар томонлама қўллаб-қувватлашга қаратилган хайрли тадбирлар давом этмоқда.
